É un libro de sonetos que Darío escribiu entre 1980 e 1982. Levou o Premio Cidade de Ourense dese ano e publicouse no ano seguinte, 1983. Esgotado desde hai anos Darío xuntou a súa obra poética nos Vinte cadernos (Xerais, 2003), modificou algúns versos fixo unha regularización e actualización ortográfica coas normas do momento. Esta nova edición forma parte da homenaxe que a cidade de Lugo lle fai logo da súa morte, o libro que Darío lle dedicou á cidade na que estudou, viviu e traballou a maior parte da súa vida laboral edítase cun especial coidado ; así amósase o traballo que sobre el seguiu facendo o poeta e por iso figuran notas ao pé pra especificar os cambios que indican a revisión e mellora.