IV Premio Biblos- Pazos de Galicia

Todas as mudanzas que ocorren na vida (interior e exterior) dunha persoa que abandona a súa vila para lanzarse ao descoñecido dunha cidade que supostamente lle dará a oportunidade de realizarse e prosperar.

Mercedes, a protagonista, é moi criticada polo seu grupo de amigos cando se marcha a Madrid a estudar xornalismo. Volverá á súa vila, que non sabemos cal é, esporadicamente, motivo polo cal os seus amigos se afastarán un pouco dela, ou ela deles.

No libro as cousas non se din claramente, quizais nesa historia normal hai segredos a medias voces, e as palabras formais mestúranse co argot adolescente menos profundo. A vida cambiará a raíz dun feito que separa un neno dun adulto, mentres Mercedes comparte o seu amor por Rayuela, o libro de Cortázar, con Josito, o cal está namorado dela. Este será unha persoa moi importante nas súas vidas, sen ambos sabelo. Mercedes atópase entre a espada e a parede, entre un Madrid augurador de bos tempos, e vila da infancia, onde se atopan os amigos de sempre.

1º-2º BAC