Este libro parte dunha sospeita cara a este ideal ético da amizade. Que se esconde tras este ideal de pureza? Como se puido manter estable ao longo do tempo e a quen se dirixe? A quen deixa fóra? Sérvenos para explicarnos o sentido, a dor e os medos que atravesan as nosas relacións de amizade?

Estirar o fío destas preguntas descóbrenos outra maneira de entender que papel xogan os amigos e as amigas nas nosas vidas. Por que están aí? Poderiamos vivir vidas perfectas perfectamente socializadas a través da parella, a familia, o traballo ou as nosas afeccións, e non ter nunca ningún amigo. De feito, a amizade é a única relación social estable para a que non inventamos ningunha institución.