Unha biografía única e apaixonante para penetrarse na vida dunha das mulleres máis influentes de todos os tempos, polas gañadoras do Premio de Xornalismo Luise Büchner e do Premio Max und Moritz «Todo un século feminista en palabras e imaxes. Esta novela gráfica catapulta brillantemente o pensamento de Simone de Beauvoir ata os nosos días. De obrigada lectura!».
Sonja Eismann«Quéroo todo da vida, quero ser muller e quero ser home, quero ter moitos amigos e gozar da soidade, quero traballar moito e escribir bos libros, quero viaxar e pasalo ben, quero ser egoísta e quero ser xenerosa», dixo Simone de Beauvoir nunha carta ao seu amante Nelson Algren. Desde a súa infancia, nunha época na que ás mulleres non se lles permitía estudar, votar ou elixir a súa profesión, ata converterse nunha das pensadoras máis influentes de todos os tempos, Simone embarcouse con paixón na gran aventura de ser ela mesma. A filósofa e escritora existencialista, que se declarou comunista e atea, que formou con Sartre unha parella mítica, pero que decidiu non casar nin ter fillos, e que tratou de entender que significa ser muller, segue sendo unha icona incontestable do feminismo e unha fonte de inspiraciónpara unha lexión de lectoras. As premiadas Julia Korbik e Julia Bernhard retratan á autora do segundo sexo como filla, amiga, amante: unha intelectual que o quixo todo da vida e explorou como ninguén o facía antes na condición feminina, a sexualidade, a liberdade e as distintas maneiras de amar.