Cando imos camiñando polas ruidosas rúas da cidade, ou os tranquilos camiños no campo, sempre hai moitas cousas que ver e oír… Pero algunha vez paráchesche a mirar cara abaixo? Preguntáchesche todo o que se esconde baixo os nosos pés? Pois hai moitísimas cousas incribles! Este álbum con formato acordeón de dobre cara móstranos por unha banda o que se esconde debaixo da cidade, e polo outro o que hai debaixo do campo. Cobre temas como a xeoloxía, a arqueoloxía e mesmo a historia natural, que permiten aos lectores descubrir o mundo a través dos seus detalles. O despregable, que mide 2,5 metros, é perfecto para estender no chan e pasarse horas investigando todos os seus elementos.